الرئيسية
البوابة
أحدث الصور
التسجيل
دخول
من طرف طلعت منك ياعراق وعفت هناك كل اهلي واخوتــــــــي
عبالي بالغربة اطك وارتب كل امــــــــوري
طلعت اكبر غلطانه اجيت للغربة اطلب موتــــــــي
عفت كل املاكي وطلعت بطرك هدومــــــــي
امشي و وراي صار الشارع سابوح بدموعــــــــي
جنت بوطني لمن افوت للبيت كل اهلي يتلكونــــــــي
بس هنا ياناس منو الي يتلكانــــــــي
عفت احباب روحي وعفت بيتــــــــي
واجيت للضيم والقهر ومن وراهن شيب شعر راســــــــي
بالغربة ما اندليت وحتى ضيعت عنوانــــــــي
ومن يسألوني عن بغداد اويلي نار وتشب بجراحــــــــي
صدكني من يوم الي طلعت منك ياعراق كتبت بدمي وصيتــــــــي
اندفن بترابك ياعراق ولا بتراب الغربة يدفنونــــــــي
وبعلم عراقي فدوة لقلبكم جفنونــــــــي
وبتابوت عراقي انتو حطونــــــــي
وبماي دجلة والفرات انتو غسلولــــــــي
وبوسط كاع العراق قبر الي احفرولــــــــي
هاي ياناس هي ملخص وصيتــــــــي
وتأكد مهما ابتعدنا عنك يا عراق تبقى انت الوطن الغالــــــــي
ومردنا نرجع الك ما نبقى بالغربة للتالــــــــي
ومن بعدك لا ابدا والله منقبل بوطن ثانــــــــي
واوعدك بين احضانك يا عراق يتربون كل جهالــــــــي
اتمنى ان تنال اعجابكم.
.تحياتي لكم . .مع خالص حبي وتقديري لكم مــــــــريم يعــــــــرب كــــــــاظم 
