خلاص راح زمن العتاب
ومن وراكم اليوم سديت الباب
وحركت كل كلمة بعدها مكتوبة عنكم بوسط الكتاب
ولدكولولي ليش شصار وشنو الاسباب
بطلت اعتب وبطلت الحساب
حركتوا قلبي بغيابكم وحركتوا الثياب
ابقلبي شبت نار سويتوا عطاب
ومحد حسبلي حساب حتى انتو الاحباب
للاسف ظني بيكم اليوم خاب
جنتوا اعز احبابي وهسه صفينا اغراب
بغيابكم ذابت هالروح وحتى قلبي ذاب
كلت بلكي انساكم حطيت نفسي بوسط سرداب
كمت انقش اساميكم على التراب
ما اكوللكم نسيتكم يا اعز الاحباب
صدكوني اذا كلتها فأني اكبر جذاب
وبس شوفوا دموعي من طاريكم ينجاب
لح تعرفون معزتكم والروح بس الكم تنهاب
اتمنى ان تنال اعجابكم . .تقبلوا تحياتي مع خالص حبي وتقديري لكم
مريم يعرب كاظم