الرئيسية
البوابة
أحدث الصور
التسجيل
دخول
من طرف ألف رحمة تنزل على روحك ملا عبود الكرخي گبل 70 سنة . بالـ 1945 كتب هاي القصيدة على البرلمان وليهسه ترهم يا سبحان الله عبالك مكتوبة اليوم
قيّم الرگاع من هاي اللحى
إتشوفه هيبة وعنده لحية إمسرحه
يشتم بلا خجل وبلا مستحى
من يحس المقعد إشوية إندحچ
قيّم الرگاع من ديرة عفچ
***
برلمان أهل المحابس والمدس
عگب ما چانو يدورون الفلس
هسه هم يرتشي وهمّن يختلس
ولو نقص من راتبه سنت إنعقچ
قيّم الرگاع من ديرة عفچ
***
إتشوف واحدهم إمعگل بالوقار
وبالأصل تاريخه أسود كله عار
إبظرف ثلث سنين مليونير صار
إيريد عالوادم إيعبرله چلچ
قيّم الرگاع من ديرة عفچ
***
گمت ما أعرف حماها من الرجل
يا هو التكضه هو إيمثل العدل
وگمنا نستورد الشلغم والفجل
لأن كلها ضلت إتدور ودچ
قيّم الرگاع من ديرة عفچ
***
والله ضيعنا الصدگ من الچذب
إتشوفه هيبة وحچيه المصفط عذب
ياخذك ويردك إبشرق وغرب
وبسچاچينه يدچك حيل دچ
قيّم الرگاع من ديرة عفچ
***
حيل دوخني الحچي الماله ربط
وصار عندي سكر وحصبة وضغط
نفترش عاگول ونتغطى إبحسچ
قيّم الرگاع من ديرة عفچ
***
گمت ما ميّز الذيب من الحمل
إمنين ما ألتفت گلبي يشتعل
آنا ما شايف شعب يتبع خبل
شاب راسي وتيهت كل السچچ
قيّم الرگاع من ديرة عفچ
***
يا حكومتنا الرشيدة أم الوقار
الفساد المالي عنوان إلچ صار
ندري جابوكم إبدبابة وقطار
ليش ضليتو سمچ ياكل سمچ
قيّم الرگاع من ديرة عفچ
***
لازم إنميز الزين من الزلم
وننتخب كلمن شهم صاحب علم
ونرفض اللي يجي كل يوم إبفلم
من إيشوف المنصب شوية إندرچ
قيّم الرگاع من ديرة عفج
