خاين ..!!

إعترافك بالخيانة مش مبرر للرجوع
لسة بتصدق غرورك لأ ومتعشم خضوع
إنت واهم وهم فاجر
وهم سافر بيك بعيد
عارف انت .. انت آخر
حد ها ارجع له أكيد

إعترافك ليا عمرة يوم ما ها يرجع غلاوتك
وببساطة عاوزني أنسي جرح أوجاعي بدناوتك
يا حلاوتك
يا بسلامتك
ياللي شايف جوا روحك شخص مقبول الحضور
اية علامتك ؟جاي نافش ريش جنابك
يالا غور
يالا وسع خد ف ديلك ضلمتك
سيب لي حبة من شعاع ف القلب نور
سيبني أرجع بس ليا
مش لحالة م الفتور
إنفصالنا شئ صعيب
خلع نبتة م الجذور
بس أرضي لسة خصبة
لسة بتقاوم ف بور
لسة شايفة نفسي قادرة
ع الفرار وتنط سور
يالا فارق
يالا إرحل
يالا إمشي
يالا غور

#سامح_وليم

مؤسس ومدير عام المنتدى كتب:نص ابداعي سلمت اناملك

شكرا استاذنا الفاضل أنرتني واكثر

وميض كتب:جميل جدا

اسعدني مرورك الراقي شكرا لك ..

الحارس كتب:احسنت بما قدمت

شكرا جزيلا .. اسعدني مرورك الكريم

هذه نهاية من يخون
احسنت

فاطمة الجزائرية كتب:هذه نهاية من يخون
احسنت

نعم سيدتي الفاضلة فالخيانة من ابشع سلوكيات بعض البشر .. مرورك الكريم اسعدني فشكرا لك..

صباح الجميلي كتب:درس بليغ وكبرياء عالية احسنت ةاجدت

شكرا جزيلا لك استاذي الفاضل انرتني بمرورك الكريم