متكتف ليه ..؟!

متكتف ليه بحبال دايبه وعامل فرحان
بتكلفت روحك بالزحمه و ترجع  بردان
بتلف وترمح ف الساقية مرذول متهان
تتجرع ف ليالي الحسرة ف دايرة احزان

ماتفتح جواك ينابيعك وإستجلي الشوف
كام قلب إتغرب ف الوحده وبياكله الخوف
مش عارف يخرج م الحيرة والحجه ظروف
و عقارب ساعة أيامه  في القلب  سيوف

ماتدوس أوهامك وإتنفس يالا افتح باب
أحضن أحلامك و أفرزها بكفاية سراب
العمر اتبعتر بين يأسك وبياكله خراب
الدنيا هاتضحك لو عاوز  ابدأ ما تهاب

#سامح_وليم

مؤسس ومدير عام المنتدى كتب:جميل ما خطه قلمك بايداع

جميل مرورك العطر استاذي ..

العادل كتب:راقني كثيرا

أنرتني واكثر شكرا لك ..

الحارس كتب:راقي جدا

أنرتني بمرورك الكريم .. شكرا لك

نظل نبتسم رغم كل شيء فالعمر لحظة والحياة أمامنا فل نستغل كل ثانية ونبعد عن الحزن والهم ونضحك حتى لو كان بداخلنا الم
أبدعت

فاطمة الجزائرية كتب:نظل نبتسم رغم كل شيء فالعمر لحظة والحياة أمامنا فل نستغل كل ثانية ونبعد عن الحزن والهم ونضحك حتى لو كان بداخلنا الم
أبدعت

نعم استاذتنا الفاضلة هو ذا دأبنا مع الحياة .. شكرا جزيلا لمرورك الراقي

[quote="صباح الجميلي"]احسنت وليم اخي تعودنا على ابداعاتك[/quote

لقلبك السعادة .. شكرا جزيلا