اإقفل الباب الموارب ..

‎اقفل الباب الموارب
‎حاجي ع الروح اللي باقيه
‎روحي اشواقها المغارب
‎وانت بتدور ليه ف ساقيه

‎سيبلي وجعي يالا سافر
‎سيبني الملم ف الحروف
‎جوا روحي طعن كافر
‎سيبني اعافر ف الظروف

‎الحياة منهج ودايره
‎روح بتتصابي وفايره
‎مره تبقي لعوب وفاجره
‎مره تبقي عجوز وبايره

‎يالا امشي وسيب مشاعري
‎يكفي حزني ويا جرحي
‎سيب لي ذكري م البدايه
‎روح تطبطب تبقي فرحي

‎ياما ناس فارقت ونسيت
‎والقلوب بالوقت قسيت
‎خد قرارك ليه تأجل ؟
‎يكفي احلامي اللي مشيت

‎غرغرينه جوا قلبي
‎يوم بتنهش بعد يوم
‎الفراق ينقذ جوارحي
‎قبل ما الاوجاع تحوم

‎ امشي ماتبصش وراك
‎يوم رجوعك دا الهلاك
‎دوس علي قلبك لمرة
‎دائك انت اللي إبتلاك

‎ايوه فاكره كل كلمه
‎من الأماني والوعود
‎تاني نزرع ليه ف ضلمه
‎طرحنا بالشوك يجود

‎لأجل خاطري يالا فارق
‎ يكفي أناتي وآهاتي
‎الألم ف العمر سارق
‎والكلام ينهش سكاتي

‎سلام عابر لبكرا الجاي
‎سلام يقلب سوادنا لضي
‎سلام بيلون الأحزان
‎ويغمرنا بعبيرة الحي

‎سلامي لقلبك المحزون
‎ياروح خضرا بوسع الكون
‎سلام يغسلك الأوجاع
‎ووقت الحرب يبقي العون

‎#سامح_وليم

مؤسس ومدير عام المنتدى كتب:صور متتابعه خطت بابداع

شكرا لمروركم الكريم ..

العادل كتب:جميل جدا

جميل مرورك العطر شكرا لك

صباح الجميلي كتب:لوحة شعرية جميلة جدا ما بين حروفها تعلو هامة الكبرياء ... احسنت

اسعدتني كلماتك تشجيعكم حافزي الدائم..