والله حيره

والله حيره
عشنه بالدنيا العجايب
ـ شفنه انواع النوايب
ـ مو بلد كله حرايب
ـ والمصايب هم چثيره
ـ والله حيره
بلاذنب شو حاروبونه
ـ وبحقدهم فرقونه
ـ اخوان چنه ويعرفونه
ـ وزرعوا احقاد المريره
ـ والله حيره
شنهو شيعي وشنو سني
ـ اني وانت الكل عرفني
ـ اخوه عشنه بلا تمني
ـ وياي نايم بالحصيره
ـ والله حيره
افه دخلت فرقتنه
ـ عدانه رادت باعدتنه
ـ مادروا تبقه لمتنه
ـ ايد وحده بكل بصيره
ـ والله حيره
عدنه غيره وبيها نفخر
ـ من نبينا بزود نكبر
ـ كل تباعد ماله مصدر
ـ ونكسر خشوم الشريره
ـ والله حيره

اللهم ابعد عنا الشر و ادفع عنا عن كل بلاء
اللهم تحفظ العراق والعراقيين ووحد كلمتهم وادحض عدوهم

اخوكم حيدر الكسار اللهيبي

النص قيد الدراسة والتحليل

نص راقي .. احسنت ..