الرئيسية
البوابة
أحدث الصور
التسجيل
دخول
من طرف حيدر الكسار اللهيبي الإثنين أبريل 22, 2019 9:57 amعله نور الثريا وبانت الافلاك ..... صدح صوت العقيده وثبت المصدر
اساس البيت واضح واضح المنهاج ... وبدرب الشهاده اجيال تتسير
جيل لجيل سلم اهي زلام سباع .... كل منهم اصيل بزوده يتحضر
سحكوا عالمنايه وحاربوا طاغوت ... هزوهه الكراسي بالظلم تعمر
ثورات الفداء وتضحية يكتبون .... تاريخ الخلود المنهم تسطر
حيا ازلام قائدهم علي الكرار .... لا للذل نهجهم كتبوا المعبر
شريان امتداد الثوره ضد الجور ... فليسقط الباطل والذي تكبر
.......................
ولي ايام
نحنت ظهور عذالي والايام
وبقيت ويه الجرح اشجي والايام
المرني ماهو عد غيري والايام
وبقيت بكل نصر اكتب وفيه
............
رسالة ام شهيد تعاتب الشبان ..... كتبتها بدموع الناس تقراها
كتبت بالهوى ماتكفي الاوراق ..... والاقلام تشهد والله مبجاها
يمر بيه الحزن والفرح مامر يوم .... ولا واحد تعنه وعرف معناها
الحيره ام الشهادة القدمت فرسان ... ماتنعد جثيره هموم تلفاها
من العشرين رايه ونصبت الاحزان ... للتسعين نصره وباقي منواها
وللحشد المقدس قدمت قربان .... والجيش العراق بكل خطاياها
ياربي برحمتك ارحم الشبان .... وبرد كلب ام الراح رجواها
....................
هلهلت ام الشهيد وفرحت بيوم النصر ...... وكالت الجنه ذخرنه وبيها روحي تلايمت
امتداد النصر باقي العزه بيه توسمت .... المرجعيه انطت صداها الناس كلها تحزمت
هلهلي يامي وافرحي الرايه بيدج والنصر ... ولاتونين بغيابي كلها ملفاها الكبر
والي قدم دمه فدوه بكبره جنه تزدهر .... والي راد الكرسي بالذل كبره نار وتستعتر
وين فرعون وجنوده وين اتباعه القذر .... هذا تالي الراد دنيا هناك ماله كل مفر
...............
والانصار
وحق حسين والمنحر والانصار
شرف تاريخنه يسجل والانصار
عزم من حيدر وسيفه والانصار
نجيب حكوكنه بصبح ومسيه
