بغض التفرقه

والله حيره
عشنه بالدنيا العجايب
شفنه انواع النوايب
مو بلد كله حرايب
والمصايب هم چثيره
والله حيره
بلاذنب شو حاروبونه
وبحقدهم فرقونه
اخوان چنه ويعرفونه
وزرعوا احقاد المريره
والله حيره
شنهو شيعي وشنو سني
اني وانت الكل عرفني
اخوه عشنه بلا تمني
وياي نايم بالحصيره
والله حيره
افه دخلت فرقتنه
عدانه رادت باعدتنه
مادروا تبقه لمتنه
ايد وحده بكل بصيره
والله حيره
عدنه غيره وبيها نفخر
من نبينا بزود نكبر
كل تباعد ماله مصدر
ونكسر خشوم الشريره
والله حيره

الشاعر حيدر الكسار

ابدعت بما قدمت

جميل جدا احسنت

لم اكن لاسبق ابداعك

ابداع راقي نص يجب أن يغنى كمللوج

يسلم ذوقك