أحبائي كادر وأعضاء المنتدى الكرام...
قصيدة شعبية كتبتها بوصف غادة جميلة ومضمنا اسمها فيها ... آمل أن تعجبكم ...
سألوني هلربع ...
سألوني هلربع أوصف البنت الي اتغنى بيها
محتار كلت بهالشعر واشلون اوصف معانيها
يكلولي اوصف يشاعر كلت ماظن الوصف يوفيها
هي رقة وجمال وكرم والروح الطيبة تغطيها
محتار صدكوا بالوصف وضاعت ابياتي وقوافيها
كالو حاول العيون ولا الوجه وخلي نشوف تاليها
كلت اشوف الوجه طلعة بدر ولو غاب البدر خليها
والعيون كل عين العندها بحر وياهو اليكايش بيها
كالوا انت اوصفت بس شنهو الإسم ما جبت طاريها
كلت الإسم أربع حروف بأول ابياتي الأربعة تلاكيها
ولو راح اول حرف يبقى سر الحياة اليرويني ويرويها
وارجع اكول الشعر عاجز وما اظن الوصف يوفيها
ما اظن الوصف يوفيها
صباح الجميلي[/center]