احبائي كادر وأعضاء المنتدى الكرام
تحية حب واعتزاز
لكل ببلد وامة وشعب امثاله الشعبية المتوارثة والتي قيلت نتيجة تجارب وخبرة ومنها لها قصة حدثت ثم صارت مثلا، والكثير منها تجدها بصيغة او بأخرى في بلدان أخرى ...
تجدون ادناه مجموعة من الأمثال العراقية أحببت ان تشاركوني الاستمتاع بها ...
تقبلوا تحياتي
مجموعة من الامثال العراقية
يتعلم الحجامة بروس اليتامى
أطعم الحلك تستحي العين
يحفر البير بابره
النادرة تغزل بعود والجايفة تكول الشج معووج
عند البطون تعمي العيون
سبع صنايع والبخت ضايع
اللسان الطيب يطلع الحية من الزاغور
مو كل من صخم وجهة كال اني حداد
كلمن يحود النار لكرصتة
صفي النية ونام بالبرية
احاجيج يابنتي واسمعج ياجنتي
نزل ويدبج عالسطح
ايدة بالماعون واصابعة بالعيون
بيضة اليوم احسن من دجاجة باجر
شين التعرفة احسن من زين المتعرفة
اتدهدر الجدر ولكه قبغه
بير التشرب منها مي لتذب بيها حجارة
لما يسوكه مرضعه ضرب العصي ما ينفعه
الدنيا كون كلمن همة لون
كل لشه تتعلك من كراعها
كلمن ذنبة على جنبة
الشبعان ميدري بدرد الجوعان
(وبقال كذلك: ميدري بلكمة الجوعان)
يا حافر البير لا تغمج مسا حيها خاف الفلك يندار وانت تكع بيها
المبلل ميخاف من المطر
اللي يريد شيء يفوت شيء
الميلوح العنگود بیده یگول حامض ما اریده
وره ما خلص العرس اجتي الرعنة تهلهل
الديج الفصيح من البيضة يصيح
صانع الاستاذ استاذ ونص
لو ردت صديقك دوم حاسبة كل يوم
صاحب صنعه ولا صاحب قلعه
سد بابك امن جارك
طلعها من حلك السبع خشت ابطن الواوية
انهزم من جوة المطر وكع جوة المرزيب
بالوجه مرايه وبالكفه سلايه
من السكوتي طكي وموتي ومن الورواري خلي وفوتي
جدره على ناره وعينة على جاره
نست مرة العم جانت جنة
ياعجوز ما جنتي جنة
الشادي بعين امة غزال
حتى القمر بي لوله
ودع البزون شحمه
من تكثر الملاليح تغرك السفينة
مكدي ما يحب مكدي
ظل البيت لمطيرة طارت بي فد طيرة
الما يعرف تدابيره حنطته تاكل شعيره
المفلس بالقافلة امين
موت يا زمال لمن يجيك الربيع
عيش يا كديش لمن يطلع الحشيش
خلي المرجوة والحلو فوك
غاب القط العب يا فار
اجه يكحلهه عماهه
يشتري سمج بالشط
حجارة الما تعجبك تفجخك
ها لباب على ها الخرابة
ما تضيك الا تفرج
العاضتة الحية يخاف من مسحالها
كلمن دك طبلة هو كبلة
مو كل مدعبل جوز
مد رجلك على كد غطاك
إذا لم تستطيع ان تعض فلا تظهر اسنانك
لو تفك بابك وتفتخر لو تسد بابك وتنستر
رمانتين بفد ايد ما تنلزم
خاشوكة خاشوكة تنترس البستوكة
يوم كيمر وعسل يوم خبز وبصل
دخانك عماني وطبيخك ما جاني
الرحية دايرة والبركة طايرة
كلمن بعقلة راضي لكن برزقة لا
اتعب يا شجي للنايم المنتجي
يجد أبو كلاش ويعتني وياكل أبو الجزمه هني
يوم الك ويوم عليك
ما ينرادله روحه للقاضي
لا يصدك اكول الماي على ايش جرى
اليدري يدري والما يدري كضبة عدس
بين حانه ومانه ضيعنا لحانا
روح فهمه الحجي احمد اغا
مكان ما تكول كش اكسر رجلها
العين بصيره واليد قصيره
الشك جبير والركعة صغيره
على حس الطبل خفن يرجليه
لا حضت برجيلها ولا خذت سيد علي
حبايه حبايه تصير كبايه
لا اني انسى ذيلي ولا انت تنسى ابنك
تالي الليل تسمع حس العياط
قيم الركاع من ديرة عفج
صباح الجميلي / منقول