الطفل

لازلت طفلا ..

طفل بيتقال له يا بابا
وطيابة كتير اوي جواه
والدنيا دي مليانه ديابه
وبتنهش مين يوم تلقاه

الطفل بيكبر و بيكبر
وبتصغر أحلامه معاه
والشعر الابيض بيحاصره
والاسود يزحف جواه

الطفل كتير ياما يعيط
وعيونه ولا فيها دموع
ف القشه بيجي و يتشعبط
و السكه رايحه بلا رجوع

الطفل وساب يوم كراسته
ساب لعبه و كل الالوان
والواقع بقي روح مدرسته
والضرب دا اوبشن مجان

الطفل خلاص تاه ف الزحمه
وبيصرخ تايه اه يا ناس
بيلف ف ساقيه بلا رحمه
وبينعي العمر اللي إنداس

لو طفلك جواك و بيغرق
إحدفله اطواق لنجاتك
النور جواك فجره هايشرق
والفرح يلون ف حياتك

#سامح_وليم

[quote="مؤسس ومدير عام المنتدى"]نص رائع جدا[/quote
]
روعة مرورك استاذي الفاضل .. انرتني واكثر ..

العادل كتب:جميل ورائع

شكرًا لمرورك العطر

الحارس كتب:رائع جدا وجميل

شكرًا لكلماتك الجميلة ..

صباح الجميلي كتب:جميل جدا هذا الوصف الذي صورت فيه مسيرة الحياة ... احسنت واجدت

أسعدني مرورك الراقي فشكرا لك..