إيه في خيالك ..؟؟!

ايه ف خيالك تاني عني
لسه مجهول ومداريه
هات ملامحك فيا كونني
تلقي قلبك نبضي فيه

ليه شايفني بنص عين
املا جوفك من حضوري
ف الجفا بتضيع سنين
إغسل العتمات ف نوري

لسه واكلاك الشكوك
لما دوقت ف يوم خيانة
عارف انت ليه خانوك
اصل هما قلوب جبانة

هات جروحك جوا مني
والشفا يشرق براح
ليه تقول خايف تهينني
ف التلاقي بحور سماح

مهما طبعك يبقي قاسي
حضني مأوي ليك ف برد
م الالام بنشوف ماسي
جوا صمتك ألف سرد

سيب إيديا عليك تطبطب
إفتح الباب الموارب
عيش طبيعتك مني قرب
الغريق محتاج لقارب

سيبني امسح ليك دموعك
إحكي فضفض يالا بوح
لمستي هاتقيد شموعك
نفختي ف القلب روح

وقت ضعفك اي خوف
جوا مني بحور امان
غمض انت وفيا شوف
فرح راح يملي الزمان

#سامح_وليم

جوا قلبي فيه سما
حب وسط الشوك نما
شمس تشرق بالبراح
تمحي م الأفهام عميّ

جوا روحي فية عمار
طير بيهرب م الدمار
أرض رغم جفاف ترابها
شايفة جوا البور خضار

جوا نفسي خير وجود
مهما ظلم الكون يسود
مهما بتعاني ف مظالم
مهما تسجنها الحدود

جوا باطن عقلي نور
لمبة قايدة بالحضور
صوت بروح الحق يعلي
كل ما الأحزان تثور

جوا روحنا الإنسانية
عقل واعي بصفو نية
مهما تكسرنا التجارب
بتساندنا قلوب عفية

#سامح_وليم

مؤسس ومدير عام المنتدى كتب:نصين رائعين جدا جدا

شكرا جزيلا لمروركم العطر

العادل كتب:جميلين حقا سلمت يمينك

سلمت ، شكرا لكرم مرورك

وميض كتب:احسنت بما قدمت

شكرا لك استاذي الفاضل انرتني ..