كلام ..

‎كلام ف الجوف ومتأجل
‎كلام ف القلب متسجل
‎حروف صاحية من الذكري
‎بتنعي ف عمر مستعجل

‎كلام يوصف حكاوينا
‎يلملم احلا  ما فينا
‎بيسرقنا من الحاضر
‎ويحدفنا في ماضينا

‎كلام عن الصحاب لما
‎بيحضنا ف براح ضمه
‎دراعهم  ضهر ينصبنا
‎بصوت الضحكه واللمه

‎كلام يجبر خواطرنا
‎يطيب شرخ كاسرنا
‎ومن جوا كهوف الروح
‎يلملم حزن غامرنا

‎كلام ع الشوق وإحساسة
‎و وعد حبيب و إخلاصه
‎وفرح ف قربة بيشقشق
‎و عمر يزيد بأنفاسه

‎كلام عن ناس وفاتونا
‎ف عز العوزة  باعونا
‎وداسوا أرضنا الخضرا
‎بكل سهولة  خانونا

‎#سامح_وليمI