ثلاثية الدراويش

انا الدرويش
انا الدرويش في الحضرة 
وسابح في سما الملكوت 
صراخ صاخب بعلو  الصوت
وهزه جسم مالها سكوت
بناجي لربنا يشيلنا 
ويجبرنا 
يواسينا
ينورنا 
يملحنا 
يغربلنا 
يسكرنا 
يدوقنا لمحه من حياة الخلد
 مجرد بق ...
منا عايش هنا في الحوق 
وماشيه خطوتي بالزق 
انا واقف علي بابك ايديا تدق 
أنا المجذوب في محرابك 
ماتيجي بنور ف قلبي  وشق
ولمسني الحياه ببراح 
ماليني جراح 
و نفسي ارتاح 
عطر الكلمه منك فاح 
 وقولي سماح
جبال الهم حانياني 
وبسعي لرحمتك حاني
ماهو انت  البيت وعنواني 
دموع سايله تشق الخد 
ونبض بيجري  فوق الحد 
وسابح في سما الملكوت 
يانور الكون وعدل الارض
         ..... يا الله  ...

&&&&&&&&&

انا الدرويش 
بقلبي جناح ماهواش ريش
خوافي قلبي حاملاني
بحبك .. أعيش
ومتلومنيش  .. 
ف روحه الدنيا واخداني
دة غيره مليش  .. 

ياهايم ناسي اوجاعك
ووسع الدنيا مايساعك
لا شئ زايد ولا متاعك
وراحة البال .. معاك غيه

ياهايم قلبك حوي ملكوت
صراخ ساكت بعلو الصوت
وثابت لو طفحت الكوت
وعارف الأيام ... معدية

وهايم بسبحة مسحورة
قلبك حوى الكون ك-بنوره  
عيون متكحله بالصبر ..
.. و باللي خلقها مجبورة

درويش .. 
وف كل لفة سحر وملاغية
.. وف كل تسبيحة قلب
مسحة غفران معدية 
درويش .. 
وعشقي لربي .. غيه
وحبه لقلبي .. هدية
&&&&&&&&&&!

كلنا دراويش  ..
بنلف الدنيا تدوخنا ..
وبنرجع حاف ..
الكون أوهام وحقايقه عجاف ..
والحب مجاز وحروفه خفاف ..
بتطير مع أول هبة ريح ..
كلنا مجاريح ..
طب قول يا وسوف ..
رايح جايين علي حس الريح ..
كلنا مجاريح !!
كلنا مسافات بنخش في بعض ..
فنتمدد ..
وتزيد مسافاتنا وتتعدد..
كلنا مراجيح صدقني يا خال ..
ومحدش راسي علي الأحوال ..
ومافيش موزون غير بيت الشعر ..
انا وانت اتباعنا بأرخص سعر ..
لكن خادعين نفسنا جدا ..
انا وانت ازاز بنكسر بعض في اول حضن ..
وبنجرح بعض ونتندم ..
دراويش يا شاويش ..
دخلنا السجن وريحنا ..
يا ناخد إعدام ..
يا تخلص نفسك وإدبحنا ..


Pink rose


منقول

انت مبدعة كما عودتينا وكما عرفناك متمكة من رسم صور الحياة بحروف مرة تشع املا واخرى تنزف دمعا ... احسنت اخيتي الغالية

الشكر الجزيل ووافر التقدير لجميع من مروا من هنا .. مروركم كريم  كنفوسكم العطرة ..