تِشِبْ النار بگليبي..
وامد إيدي أطفيها ..!
چالمفزوع أدير العين ..
عسى مالناس تحس بيها...
يتغير لوني ، وصوتي ،،
تفز روحي ، وأهديها ..
أرجو الدمعة .. ماتنزل
عفىٰ يالعين تخليها ،
وانا چالطير ، ترف روحي
بشِرِك مگضوب ، تتانيها
المنية هناك وهنانه
وين ماتروح تلاگيها ..!
يا بعد حشاي وبروحي
رُبيت سنين و عِشت بيها..
شحِسَبْتْ إنتَ وهِجَرْت الرُوح ،
لِيا والي تخليها ..؟!
ليا حْنَيِنْ تِرَكت رويحتي
وياهُو اليِحِسْ بيها ..!؟
نجاح احمد