التعب لاحگ

قصيدتي بعنوان التعب لاحگ
الئ ابي الذي اتعبته محطات الحياه في سبيل سعادتنا الذي اتعبه المرض من كثره التفكير  بنا الذي لو حملته دهرا كاملا فوق ضهري لا اوفي حق من حقوقه أقول

التعب لاحك وازادت ونتي بسكته
العمر شيخلصه يابويه لما انته
جبت العمرتتعب حته نرتاح
وشيبك ذخر محد عرف سالفته
خشنه نشوف أيدك مادريناالصار
طلع بيها تعب والتعب ساترته
يل ما خليتنا نلبس هدوم العام
وقميصك كلب لونه وما استبدلته
عفت بيك الجروح  تبات أيام
وكبل ماننجرح  احنا الجرح طيبته
اهم بيك ونظرتك بيه متخيب
وصديق السوء ابد مايوم صاحبته
واعرفك من جنت اتاخر الليل
تظل سهران ليلك لو تاخرته
اشبهك حته وي اطفالي بلبيت
وكلام الزين  بس منك تعلمته
يرفعه راسنا وخيمتنا للشدات
وعتبه باب بيتك عدو مضيفته
ياكلمه هلا للرايح وللجاي
ترفه سوالفك للهوه مضحكته
يادله ومضيف وبخت مال شيوخ
وزادك ماخلص للضيف وشلته
وزادك ماخلص للضيف وشلته

احسنت .. احسنت.. الله يبارك لكم بالحجي  ويبارك بعمره وعافيته.. اللهم امين ..

ابدعت نعم يستحق الوالد هذا واكثر

بارك الله فيك

احسنت جزاك الله خيرا

شكرا لمروركم العطر اساتذتي