الشاعر موشرط تلكيه موهوب
قبل الموهبه يسمونه انسان
اكو هواي مواهب مايعرفون
يطلع كل شعر من كلب حزنان
وموشرط اليسمعك كون معروف
بس كون التكتبته يحجي خرسان
وخلي يكون طرحك حيل مفهوم
تره بعض الكتب يشرحه عنوان
لاتضيع القصيده وبيها احساس
واليكتب بلمشاعر هذا فنان
ولاتكثر بكلشي هذا موزين
تخرب بلصور كثره الألوان
والمايهوه الشعر لاتحجي وياه
مصيره يردالك فد يوم ندمان
ويحتاج القصايد ويه الابيات
من يدري بهواهم طلع غلطان
ولاتنتقد شاعر سمعك بيت
تره بنص القصايد يطلع لسان
زحف بلشعر صاير هاي الأيام
وحته المستمع هم طلع بطران
سالت الصار فهموني يهلناس
ميت طلع بيت الشعر عريان
هيثم اللهيبي
قبل الموهبه يسمونه انسان
اكو هواي مواهب مايعرفون
يطلع كل شعر من كلب حزنان
وموشرط اليسمعك كون معروف
بس كون التكتبته يحجي خرسان
وخلي يكون طرحك حيل مفهوم
تره بعض الكتب يشرحه عنوان
لاتضيع القصيده وبيها احساس
واليكتب بلمشاعر هذا فنان
ولاتكثر بكلشي هذا موزين
تخرب بلصور كثره الألوان
والمايهوه الشعر لاتحجي وياه
مصيره يردالك فد يوم ندمان
ويحتاج القصايد ويه الابيات
من يدري بهواهم طلع غلطان
ولاتنتقد شاعر سمعك بيت
تره بنص القصايد يطلع لسان
زحف بلشعر صاير هاي الأيام
وحته المستمع هم طلع بطران
سالت الصار فهموني يهلناس
ميت طلع بيت الشعر عريان
هيثم اللهيبي