الصوت مايطلع

[color=#ffff33][size=18]الئ جنه الله فوق ارضه
الئ روحي التي تمشي امامي
الئ من عجز لساني عن وصفها
الئ امي قصيده بعنوان
الصوت مايطلع


اول مره احس الصوت مايطلع
من  اكتب قصيده وامي بلمطلع
الشالتي دهر ثق مو تسعة اشهور
ثكيل الحمل جانت منه تتوجع
وماكالت لاحد عن وجعها الليل
عيال هواي عدها وابد ماتبزع
ومن بعده الولاده وكثره الالم
تضم بدموعها خوفتها مانرضع
ضيم وتعب كوه تخلص اليوم
تشد الحيل بينا وحيلها تكطع
هاي امي الأبد ماغمضت العين
خافت لو بجينا وهيه ماتسمع
الضحت كل عمرها خاطر نصير
وعن كل وعودها ويانه ماترجع
تحزن حيل جانت لو مرضنا بيوم
وتظل كبالنا وعن كلشي تتمنع
جانت بلدمع لمن تصلي الليل
ويبلل وجها الماي من تركع
معقول أوصف جنه الله بيوم
الماعدها جديد وثوبها مركع
الماكعدت ويانا بيوم علزاد
مااشتهي  تكول وتأكل اليرجع
وتأكل اكل بايت لو اجه الخطار
وتقشمرنا الحنينه وهيه ماتشبع
وتقشمرنا الحنينه وهيه ماتشبع

مبدع حبيبي عاشت ايدك
الله يحفظها

عسى الله يخليلك الحجية ويبارك بصحتها وعمرها وتشوف برك بيها اللهم امين ..
احسنت .. بوركت وسلمت اناملك ..

نص راقي

ابداع دائم